اهداف يجب تحقيقها ان شاءالله فى الفتره من 1ديسمبر الى1 يناير ان شاءالله

اول هدف انشاءالله هو ان افقد من وزنى 4كيلو جام ان شاءالله تانى هدف هو ان احافظ على السنه القبليه لصلاه الظهر تالت هدف هو ان اراجع واحفظ الجزء الاخير فى القران ان شاءالله رابع هدف الا وهو رفض وشطب عضويه نادى التسويف اسال الله العلى القدير ان يعيننى على تحقيق اهدافى

صباحنا زى الفل ان شاءالله

اليوم اردت ان اسجل 3 اشيا ء ادخلت السرور على نفسى هذا الصباح اولها واهمها على الاطلاق ان ابنى الكبير حفظه الله من كل سوء وبارك له فى ولده انه قام بالاتصال بى صباحا بمجرد وصوله الى العمل وهذه عادته يوميا ادامها الله علينا وثانى شىء ان سمسمه وهى ابنتى رقم 2 قامت باعداد الفطور لى وهذا فعل جبر خاطرى وادخل السرور على نفسى وهذا شىء لسعدنى لانها تحاول ان ترضينى اما الشىء الثالث وهو ان ابنى الصغير بيدو استيقظ من النوم هادئا مهذبا وهذه ليس عادته فى الغالب لانه فاهم ان التدليل والدلع انه يقوم من النوم يوزع اذيته على البشر ربنا يهديه بس هو لذيذ وييجى منه بالحوار وعلى فكره هو انشاءالله هيبقى اعظم بيطرى فيك يا مصر وهيعمل ان شاءالله ثوره اصلاحيه جاده فى الثروه الحيوانيه فى مصر وكل الفقراء والمساكين هياكلوا لحمه ان شاءالله

اتعلمت ولسه بتعلم

اتعلمت ان اوحش بنى ادم يتعاشر هوالشخص اللى مش عاوز يتعلم مش لانه غبى ولكن لانه مغرور وعنيد والكبر عامل سحابه سودا على ادراكه...اتعلمت ان الكثير منا كالاطفال نكره الحقيقه لانها مره بطعم الدواء مع ان فيها الشفاء والشفا طعمه زى العسل بس نقول غباء بنى ادمين ربنا يشفينا جميعا...............نحب الباطل والمحلسه مع ان فيهم هلاكنا ربنا يعافينا................من علامه حسن الا خلاق ان نكون احسن الناس اخلاقا فى بيوتنا...............اتعلمت ان طموحاتنا هى اللى بتشكل شخصياتنا وبتغير من شكل حياتنا وان البيئه اللى نشانا فيها هى اللى بتحدد سقف طموحاتنا واخلاقنا والبيئه طبعا بتشمل قدوه صالحه وتربيه حسنه........................اتعلمت ان اسوأ انواع المرض ان تبتلى بشخص غليظ الفهم محدود الادراك بليد الذوق لا يفهم ويرى نفسه افهم الناس وافهم من يفهم....................اتعلمت انه عندما نكون مطمئنين الى عداله الله سبحانه وتعالى لما شككنا فى نهايه الظالمين وان لله جنودا يحفظوننا ويدافعون عنا اسال الله المدد والعون فى كل امور حياتى واخيرا يا ريت كل واحد فينا يستفيد من المحن ويحولها منح بعون الله

تعلمت فى حياتى

تع لمت فى حياتى ان اركز على عمل واحد واحترق فيه حتى ابدع فيه وهذا العمل هو تربيتى لابنائىوالى حد ما فقد وفقنى الله واسأله دوام النعمه تعلمت ايضا ان النطام طريق النجاح ووضع كل شىء فى موضعه اساس النجاح وهذا بالطبع لم اكن اتقنه فى بدايه حياتى الزوجيه ولكن زوجى بارك الله فيه هو من وضع قدمى على طريق تعلم النظام ودائما ءاقول له على سبيل المزاح احنا التلامذه اللى سبقنا الاساتذه ومن ضمن الحاجات اللى مش بحبها فى نفسى انى دايما واقفه للعيال على الواحده ورافعه شعار النظافه والنظام وكأن أمى رحمها الله ولدتنى وانا اللى بيجرى فى دمى نظام ونظافه مع ان العيال حفظهم الله بيحاولوا يكونوا منظمين بس هى الدراسه والمذاكره ربنا يوفقهم واتعلمت ان الواحد يسيطر على عواطفه وردود افعاله تجاه الاشخاص والاحداث والبنى ادم الذكى الجامد ميديش فرصه لاى شخص ان يعرف مايدور فى نفسه الا اذا كان واثق من ان الشخص ده بيحبه ومخلص ليه وغالبا بيكون شخص واحد او اتنين لأن زمن الاخلاص والحب جبر وادلع الخاينين ولازم الواحد ميديش فرصه لهواه انه يغلب عقله والمسلم الجامد اوى هو اللى نفسه عند الغضب. اتعلمت ان من ثبت نبت وان الحجر المتحرك لا ينمو عليه العشب وعلشان كده انا بحب جدا الحمد لله القرار فى البيت. احلى حاجه فى الدنيا بعد طاعه الله ورسوله صلى الله عليه وسلم ان الجد والاجتهاد فى الصبا يورث السياده فى الكبر يعنى تتعب وتستحمل وانت فى شبابك مع التوكل على الله والاخذ بالاسباب المشروعه تخليك ملك بعون الله لماتكبر فى السن واحفادك يجروا حواليك. فيه مثل بيقول من ادمن النظر فى الدفاتر احترمته الاكابر وفعلا الثقافه النافعه بتد للانسان طعم ولون وريحه حلوه ويعيش فى بمزاج. اتعلمت ان القطره على القطره نهر وان القرش على القرش ثروه بس من غير حرمان وبرده نفتكر القول المأثور " أكلما اشتهيتم اشتريتم " اتعلمت ان الاستيقاظ مبكرا وان الصبح اسعد الاوقات ولما لا وقد قال رسول الله صلى الله عليه وسلم " البركه فى البكور " اتعلمت ان الحرمان الحقيقى فى الكسل وتضييع الوقت ندم وان الحركه بركه ودى نفسى اتجاوز الحركه فى شئون البيت الى القيام بتمارين رياضيه ولو حتى المشى لده نصف ساعه يوميا اطلب المدد من الله سبحانه وتعالى. والى لقاء قريب انشاءالله تعالى

تعلمت من الحياه

من حياتى عبر خمسون عاما دائما يراودنى احساس بانى لم اعش فى هذه الدنيا سوى28 عاما وهى عدد سنيين زواجى وذلك لغزاره ما تعلمته فى هذه السنيين الى اعتبرها عمرى الحقيقى وده لانى كان عندى هدف فى حياتى ان احسن تربيه اولادى وارضى الله فى زوجى بصرف النظر عن معاملته لى ولكن شهاده حق فالرجل كان بفضل الله قام ويقوم الى الان بدور رائع فى تربيه الابناء ومن ضمن الاسس اللى ربيت عليها الاولاد انهم لازم يبقوا قادرين على تغيير انفسهم ومجتمعهم للاحسن بالعلم والثقافه لان المعرفه تؤدى الى العمل ومن عرف الخير فعله لا محاله كما قال اخينا سقراط والعلم النافع يكسب مهاره تجعلك بعون الله تربح موقع اقدامك اتعلمت فى السنيين دى ان الانسان ممكن جدا بعون من الله وبرغبه صادقه فى التغيير الى الاحسن ,,اذا صدقت النوايا فتح الله السبل,, ان من طباعه السيئه بتعويد نفسه افعال اصحاب الصفات الجميله ودائما يقال الخلق بالتخلق ولو غلب الطبع التطبع فى لحظه ضعف لازم تعود اراده النفس الواعيه لفرض السيطره على الطبع السىء وتوجيهه ناحيه الخلق الحسن. اتعلمت ان التناصح بين افراد الاسره دليل رقى هذه العائله. اتعلمت ان تدوين المشكله وتفريغ الشحنات على الورق يحل نصف المشكله تقريباواتعلمت كمان ان الناس امام المشاكل ينقسموا الى قسمين قسم ناس زى العسل يحطوا المشكله فى حجمها الحقيقى ويحاولوا يحلوها وميأجلوش حلها لان التاجيل بيحول المشكله لمشاكل كتيره ويرفعوا شعار لا للتوتر واحنا بنحل المشاكل لان التوتر يا حلوين يؤدى الى الغضب ومن غضب وقع فى الخطأ لا محاله يعنى الواحد يسيطر على نفسه والرسول عليه افضل الصلاه والسلام قال الشديد من يملك نفسه عند الغضب وبرضوا القسم ده من الناس الحلوه دى لا يصابوا بالاحباط لان الاحباط ده بير غويط مالوش قرارلا فيه ضوء ولا هواء ولاحل للمشكله وبصراحه وجهه نظرى الاحباط انه ترف وهو ابو الفشل.القسم التانى من الناس فى نظرته للمشاكل ربنا يعافينا انهم يأما مش شايفين اى مشكله لغايه المواضيع ما تخرب يا أما يهولوا الامور وينشروا الفزع عند كل موقف ويسموه مشكله وقد قال الله سبحانه وتعالى فى هؤلاء الناس:لو خرجوا فيكم ما زادوكم ءالا خبالا ولأوضعوا خلالكم يبغونكم الفتنه وفيكم سماعون لهم والله عليم بالظالمين:ولكى نكون ناجحين فى الحياه يجب الا ينضب سعينا نحو تحقيق اهدافنا ولا ننسى الدعاء فلا هم ولاغم والله يدعىولتكن السيده هاجر زوجه سيدنا ابراهيم عليهما السلام خير قدوة لنا ودليل على ان السعى على المعيشه عباده فالله كان قادرا على ان يفجر زمزم تحت اقدام سيدنا اسماعيل ولكنها ارادته سبحانه وتعالى ان يعلمنا ان السعى على الرزق والدعاء عباده فهى اخذت تسعى بين الصفا والمروه ذهابا وايابا بحثا عن الماء.تعلمت ان الفاشل دائما لا تنضب اعذاره والى لفاء قريب ان شاءالله تعالى

خالد وبيدو

مرت الحياه بحلوها ومرها وطبعا اى حياه فيها مشاكل بس طالما ان فيه تواصل فى الله الحل بيبقى سهل جدا وكمان لما بيبقى فيه هدف الزوجه والزوج حطوة امام اعينهم بتيقى الحياه سهله جدا فقد كان اولاد نا هم الصخرة التى تكسرت عليها كل خلافاتنا وحطينا فى قراره نفستا انا وزوجى ان اولادنا دول اهم حاجه فى حياتنا ولازم نربيهم ونعلمهم احسن تربيه وتعليم وان ينشئوا على عباده الله وتقواه والحمد الله رب العالمين فقد وفقنا الله وفى سنه 19991 فى شهر يناير رزقنا بمولودجميل سميناه خالد معلهش انا عماله امدح فى ولادى من اول سطر ما انته عارفين القرد فى عين امه غزال وفى سنه 19992 فى شهر اكتوبر رزقنا الله باجمل طفل فى الدنيا كلها وسميناه بيدو عقبال كل اللى مخلفش ربنا يديله وبيدو ده الحمد الله كان اخر العنقود ونشأ خالد وبيدو مع بعض زى التؤم ومع هؤلاء الطفلين رزقنى الله بالصبر وطول البال وبتفرق بقه فى التربيه لما الواحد بيكون صبور بتربى بمزاج وبتفتح حوارات مع ابنك وبنتك وبتبقى الحياة لذيذة وعلشان مكنش فيه تفاصيل كتيره فىطفولتى فقد عشت طفولتى كامله مع خالد وبيدو نقرأمجلات اطفال سوى ونحكى سوى ونهذر ونغنى سوى ومن المجلات التى ساهمت معى مساهمه ايجابيه فى تربيه اولادى هى مجله ماجد فهى مجله رائعه بجد وانا لو كنت صغيره شويه ودراستى ادبيه كنت عملت دراسه ماجيستير ودكتوراه فيهاكبرالولاد واحمد اتخرج وبقه مهندس جامد جدا وسمسمه طبيبه اموره فى الجامعه وبمبونى علىوش تخرج طبيبه برده انشاءالله وخالد دخل الجامعه الحمد لله هقولوكوا بعدين كليه ايه وبيدو لسه بنكافح سوى ربنا يوفقوا

Blogger Buzz: Reactions: easily engage your readers

Blogger Buzz: Reactions: easily engage your readers

Blogger Buzz: Reactions: easily engage your readers

Blogger Buzz: Reactions: easily engage your readers

ألابناء

فى سنه 1984 رزقنا الله بحبيبه قلبى سمسمه وكانت ولادتها ميسرة جدا بفضل الله وربنا يسرها ورز ق الاموره كان واسع الحمدلله وحدة كل دة ونهائى طب اتركن على الرف لحين أشعار اخر وقضيت احلى ايام عمرى وجزء من طفولتى مع احمد وسمسمه لان جزء كبير من طفولتى مع شله تانيه هقولكوا عليها اما وقتها ييجى سنه 86 شرفت بمبونى الحلوة ودى امورة جدا ورقيقه جدا بس ساعات بتبقى مستفزة ونسيت اقولكم ان سمسمه دى لبش من يومها اما احمد دة من يوم ما اتولد وهو انسان جميل وتؤم روحى.واتلخمنا بقه فى مداراس العيال وحضانتهم وفسحهم وفين افتكرت انى ورايا بكالوريوس لازم اخدة وفى واقع الامر وقف زوجى بجوارى وقفه كلها رجوله وشهامه من اول اهتمام بالاولاد الى الذهاب معى الى الكليه اثناء الامتحان لمساندتى نفسيا وحصلت على بكالوريوس الطب بفضل الله وبدات مرحله جديدة فى حياتى مرحله سعيده املك فيها بفضل الله كل شىء الزوج والابناء ومؤهلى العلمى انه فضل الله الذى رزقنى انا وزوجى نعمه التوكل عليه والرضا والتفاؤل وانتقلنا الى سكن دائم لنا ايجار قانون قديم وقمنا بتأثيثه ودخلنا العيال مدارس وأصبحنا نمتلك سياره وبيت صغير فى مرسى مطروح وانطلق زوجى فى عمله وحاولت ان انطلق انا ايضا ولكنى لم استطيع علشان انا بحب اقعد اربى العيال واهيص واذاكرلهم وان كنت عودتهم الاعتماد على نفسهم فى كل شىء من اول اعداد الفطور الى اعتمادهم على نفسهم فى المذاكرة بالتدريج والذى ساعدنى كثيرا فى تربيتهم اننا الحقناهم بمدرسه اسلاميه كان المدرسين فيها قدوه بمعنى الكلمه

كليه الطب

وصلت الى السنه الثالثه بكليه الطب وكانت اصعب سنه فى الكليه ومش فاكره حاجه خالص عن السنه دى غير وان فى الاجازه اللى بين ثالثه ورابعه تقدم طالب فى رابعه هندسه اسكندريه عن طريق زوج واحدة صاحبتى وطبعا كان ملتزم وملتحى وكنت لا اعرفه ولاعمرى شفته كان فى هذا التوقيت بالذات الجماعات الاسلاميه فى اوج نشاطها وانا بالنسبه لى ما كنش لى اى شروط فى اللى هرتبط بيه غير انه يكون ملتزم بشرع ربنا ومفيش اى شروط ثانيه المهم كنت سايبه عنوان بلدتنا لصديقتى وجاء هذا الشاب الى بلدتنا بصحبه زميل له بلدياتى وطبعا والدى رحمه الله كان رجل طيب احس انى موافقه فلم ووافق ولكن قال له سوف نسال عليكم فى بلدكم طنطا.المهم الجوازة تمت وأنا فى خامسه طب كانت فى أيامنا نهائى وللأمانه لم يكن ان او زوجى نملك من حطام الدنيا شيئا.فابى كان لا يستطيع ان يشارك بمليم واحد وزوجى كان لسه حاصل على بكالوريوس الهندسه وتزوجنا فى شقه ايجار فى اسكندريه وبها بعض الاثاث الضرورى المتهالك وكانت الخطه اننا نسكن فى اسكندريه لحين اتمام دراستى وقضاء سنه الامتياز وبعد ك كده العلم عند الله سبحانه وتعالى والكلام دة كان سنه 1981 المهم زوجى كان عملى جدا فى تفكيره وبدأ سلمالمقاولات من أوله أشتغل مع مقاول أعمال مقاولات كهربائيه وشويه شويه اشتغل لحساب نفسه وربنا فرجها وبعد 10 شهور رزقنا الله بالفرح الكبرى ألا وهى ابنى احمد . وفى خلال العام ألاول لم اشعر لحظه انه ينقصنا شىء مع ان بمقاييس التفكير المادى المطلق لم نكن نملك الا القوت اليومى ولكنه الرضا الذى نشأت عليه فى بيت أبى وأبى لم يكن متواكلا او كسلان بل كان يعمل سائقا وأحيانا كان ينام كل 48 ساعه حوالى 4ساعات ولكنه كان راضيا وصابرا وكان بارا بوالدته برا شديدا رحمه الله رحمه واسعه

كليه الطب

ظهرت نتيجه الثانويه العامه وحصلت على مجموع يقارب 90 فى المائه ألا كسربسيط وقمت بتسجيل رغباتى فى استماره التنسيق بمساعده أختى الكبرى ندى وكتبنا بعد طب القاهره "ألأقرب الى مدينتنا" طب ألأسكندريه ويمها قلت لندى اسكندريه بعيده قلتلى اسكندريه حلوة وجميله ودخلت جامعه اسكندريه وكانت وما زالت مدينه جميله لأنى بفضل الله منذ أن أتيت الى ألأسكندريه لم أقطن ألا قريبا من كورنيشها وبحرها الرائع حيث أننى فى بادىء الأمر سكنت فى المدينه الجامعيه .قام أبى رحمه الله بتوصيلى ألى ألأسكندريه فى أول العام الدراسى ليطمئن على ويعرف أين أسكن كل ما أتذكرة عن هذه السنه أن كل من تعرفت عليهم من زميلاتى فى أعدادى طب أنهم كانوا بنات رائعين لا غل ولا حقد ولا حسد بالأضافه ألى روح التعاون بيننا وده كان العام الدراسى 76 77 حاولت أن أجتهد فى الدراسه كى استطيع الحصول على تقدير مرتفع ولكنى لم اوفق يمكن بسبب أن الدراسه كانت بألأنجليزى ومستوايا فى ألأنجليزى مكنش جامد المهم حصلت على تقدير جيد مرتفع واتنقلت الى أولى طب .وفى أولى طب تعرفت على طالبات فى نهائى طب ولاحظت أنهم بيعدوا فى المسجد كتير ركنت أليهم وبدات اطنش المحاضرات ويدوب أحضر السكاشن وبدأت اقرأفى الدين ولكن بلا شيخ او أو معلم اوقدوه ومن أيجابيات هذا ألأتجاة اننى حافظت على الصلاة وحسنت حجابى ألى الواسع الفضفاض ولكنى أهملت دراستى والتدين برىء طبعا من اهمال الدراسه ولكنه الفهم الخطأ وعدم التوجيه الصحيح ولكن حتى لا اخذل والدى كنت أستجمع نفسى فى الشهور الأخيره قبل ألأمتحان كى أستطيع النجاح

دخول المدرسه

دخلت الصف ألأول ألأبتدائى وكل ما أستطيع أن أتذكرة أن مدرستى كانت جميله جدا من حيث المساحه الفسيحه والحديقه الخضراء الواسعه ودائما أتذكر شجرة الياسمين وشجرة التمر حنه الموحودتان على يمين مبنى أدارة المدرسه لعبنا وتعلمنا ولا أستطيع ان أجزم وأقول أنى كنت متفوقه ولكنى كنت أستوعب يسهوله لم تكن عائلتى تبذل مجهودا فى توجيهنا ولكنه حفظ الله وسترة ونعمه الرضا بحياتنا وبكل شىء حولنا كانت سبب أساسى فى أننا أصبحنا نحو ألأستقامه والتفوق.أنتهت المرحله ألأبتدائيه ونجحت بمجموع 86 فى المئه ودخلت المرحله ألأعداديه لا أتذكر تفاصيل كثيرة ولكن كل ما أتذكرة أننى كنت احصل من جدتى على مصروف من جدتى عبارة عن قرش صاغ يوميا وكنت أقوم بأدخارة عن طريق عمل جمعيه مع زملائى بالدراسه ونقوم باستلامها كل عشرة أيام تاخدها كل مرة زميله نشترى بالمبلغ اللى بناخدة أى حاجه احنا عايزنها أيشارب مثلا أو أى حاحه فى حدود المبلغ وكان غالبا بيكون جنيه وده علشان منكلفش اهلنا فوق طاقتهم ومنحسسهومش ب العجز وعلى فكره موضوع ألأدخار دة أثر فى حياتى تاثير أيجابى جدا فى مراحل عمرى المتتاليه وبفضل الله سبحانه وتعالى الذى أنعم علي بهذة النعمه أصبحت أستطيع أن أمشى امورى تحت أى ظروف وهذا فضل من الله كبير أساله سبحانه دوام النعمه.أنتهت المرحله ألأعداديه ونجحت بمجموع 88 فى المئه ودخلت المرحله الثانويه وبدأت اجتهد فى الدراسه وطبعا أختى الكبرى كانت هى قدوت حيث أنها كانت متفوقه كما قلت من قبل وحولت أن ألحقها فى تفوقها وقد كان بفضل الله سبحانه وتعالى والتحقت بكليه الطب وبدأت حياتى وتفكيرى فى التغير

الميلاد

قررت من اليوم أنشاءالله أن أكتب صفحات من حياتى منذ الولادة وحتى يومنا هذا وطبعا على حسب ما سمعت ممن حولى وأنا صغيرة.ففى يوم عشرة يناير لعام 1958م معرفش بقه صباحا ولا مساءا ولدت لابى البنت رقم2 وطبعا كان نفسهم فى ولد قعدوا يقولوا هنسميها ايه راحت عمتى نسيم الصباح هنسميها نسيم طبعا على أسمى ومنذ ان وعيت على الدنيا وأنا أتعامل من ألأخرين على أنى نكرة ليس لى أى لازمه فى الحياه وكبرت شيئا فشيئا وسط عالم مطحون ملىء بالفقر والجهل ولكن يكسوة الرضا بكل مفردات الحياة ودة كان سبب أساسى فى ان عمرى ما حسيت أنى ناقصنى أى شىء نأكل الطعام الذى نستطيع أن نصلب به اعوادنا ونلبس الملبس الضرورى وفى الوقت نفسه نشأنا على الرغم من فقرنا على أننا من سلاله عائله عريقه وبسبب هذة النشأة أصبح لدينا طباعا أرستقراطيه فى التعامل مع الأخرين.وتوالت ألأيام واصبحت أستمتع بالجلوس وحيدة لما الاقيه من أضطهاد من افراد عائلتى ولأساسى الدائم لن يتغيروا يعنى من الأخر مفيش فايدة وجاء عام دخولى المدرسه وكانت أختى ألأكبر سبقتنى بسنتين واصبحتأسمع من اسرتى أنباء نبوغها وتفوقها ومن هنا امسكت باول طموحاتى واهدافى نسيت اقولكم أن اختى الكبيرة كانت تتعامل من اسرتى معامله ألاميرات وكنت دايما اسمعهم يقولوا اصل دى البكريه.حدت هدفى وطموحى منذ أن كنت فى السادسه من عمرى وكان السبب ألأساسى فى ذلك هو قسوة أهلى فى معاملتى والقاكم فى الغد انشاءالله تعالى